WILLEMSTAD –Febrüari 2016– Djaluna último komunidat chines a selebrá nan ‘Chinese Lantern Festival’. Un festival pa anunsiá yegada di lènte. Carnaval Casino ta balorá su relashon ku e komunidat chines i komo muestra di apresio Renaissance Resort Curaçao a pone su Atrium ‘ballroom’ na disposishon pa organisá e selebrashon spesial.

Durante e selebrashon importante aki a prepará un selebrashon tradishonal ku dekorashon típiko Chines, tambe a ofresé e tradishonal kuminda oriental. Un anochi yen di aktividat ameno pa garantisá un selebrashon digno pa e temporada. E festival di lantèrna chines ta wòrdu selebrá riba e último anochi di aña nobo chines; e ta indiká e promé luna yen den aña chines. E festival aki ta bai bèk den historia pa mas di 2 mil aña i ta wòrdu selebrá na China i na vários otro parti na mundu. E nifikashon di e festival di e ‘Chinese Lantern Festival’ ta pa anunsiá yegada di lènte i ta  iluminá shelu tur na lantèrna ku ta simbolisá dianan largu di lus nos dilanti i tambe klaridat di luna yen.

Carnaval Casino ta kontentu di por a brinda komunidat chines un selebrashon di lantèrna ku a konta ku elementonan di nan tradishon. Di akuerdo ku ehekutivonan di Carnaval Casino, ta importante pa rekonosé e ròl ku e komunidat chines tin den nos sosiedat i den nos ekonomia lokal. Riba foto athuntu por mira sra. Willems, ehekutivo di Carnaval Casino ku a bishita e selebrashon djaluna último den Atrium ‘ballroom’ diRenaissance Resort Curaçao. Ta deseá henter komunidat chines, un bon aña!