WILLEMSTAD –Mart- Renaissance Curaçao Resort ta presentá su ‘Dutch Caribbean Special’ pa un tempu limitá. Kuminsando for di 25 di mart te 20 di aprel probechá di Renaissance Curaçao Resort su ‘Dutch Caribbean Special’ i paga solamente $144.00 pa anochi. Ta bon pa menshoná ku e tarifa aki ta basá riba un mínimo di dos anochi  i ta ekskluí 23.05% di impuesto i gastu di servisio. Esnan ku ta interesá den e oferta mester tin un identifikashon bálido na momentu di check in. Oferta ta bálido pa residente di Aruba, Kòrsou, Boneiru òf Isla Ariba i ta dependé di e disponibilidat di kamber e momentu ku kompletá e reservashon. Renaissance Curaçao Resort ta brinda no únikamente estadia konfortabel i luhoso sino tambe un variashon di restorant i delisianan kulinario. Ademas di esaki tantu Renaissance Mall i Rif Fort ta ofresé establesimentunan di marka renombrá. Pues un sitio na unda ku bo por; shop, relahá i disfrutá na mesun momentu. For di 25 di Mart te dia 20 di Aprel malkriá bo mes i bo sernan kerí ku un estadia tur afó na Renaissance Curaçao Resort. Pa reservashon yama 435.5000.