Willemstad – Yüli – Resientemente Renaissance Curaçao Resort tabata anfitrion di Bulado Swim Club. E klup di natashon próksimamente lo ta selebrando nan 44 aniversario i relashoná ku esaki a hasi un invitashon na Alia Atkinson pa duna un klínika. Renaissance Curaçao Resort ta sinti masha orguyo di por a koperá ku e klup di natashon i di por tabata anfitrion pa e Meet & Greet i estadia di e tremendo atleta. 

Alia Atkinson di Jamaica ta landadó  profeshonal i medayista di Olimpiada ku 2 rèkòrt mundial riba su nòmber. Dianan 12 pa 14 di yüli último, Alia a duna klínika di natashon na Asiento Rustenburgh ku partisipashon di Kòrsou, Aruba i Boneiru. Riba dia 13 di yüli Alia a tene un charla di motivashon i inspirashon pa tur atleta i nan mayornan i a splika detayadamente e trayekto i e manera kon pa bira un tòp atleta i kompetí internashonalmente. Alia a konta di su mes eksperensia i e testimonio di bira e promé hende muhé di koló ku 2 rèkòrt mundial. Renaissance Curaçao Resort ta felisitá Bulado Swim Club pa e inisiativa i ta atmirá nan dedikashon i determinashon pa mantené e klup durante 44 aña.  Pa esnan ku ta interesá di djòin e klup di natashon por email info@bulado.net. Riba foto athunto parti di e presentashon i Meet & Greet ku Alia Atkinson.