Pa e di 5 aña konsekutivo

WILLEMSTAD:- Despues di un tremendo Curaçao North Sea Jazz Festival, ta na su lugá pa yama danki. Esaki ta e di 5 aña konsekutivo ku Renaissance Curaçao Resort a wòrdu skohe dor di Fundashon Bon Intenshon (FBI) pa akomodashon di crew members, músikonan i artistanan ku a presentá durante di CNSJ. Renaissance Curaçao Resort tambe selebrando su 5 aniversario ta kompartí e selebrashon ku FBI su promé lustro den organisashon di e festival musikal mas grandi den region i ta kontentu di por akomodá e huéspetnan internashonal. E aña aki CNSJ a konta ku presentashon di un lista di artista di taya manera; Dianne Reeves, Joss Stone, Maceo Parker, Maná, Nile Rpdgers & Chic, Rod Stewart, Seun Kuti & Egypt 80, Smokey Robinson, Boz Scaggs, Bruno Mars, Chaka Khan, Dr. Jhon & The Nite Trippers, Henry Butler, Steven Bernstein & The Hot 9, Janelle Monae, Juin Luis Guerra i Sierra Maestra. Ademas di esaki tambe a nota presensia di media internashonal ku a kubri e evento aki. Asina por hasi menshon di miembronan di prensa for di Bèlgika, Brazil, Sürnam, Colombia, Venezuela, Merka i for di nos mes region den Caribe ku tabata presente na Kòrsou pa CNSJ 2014. Renaissance Curaçao Resort, ke gradisí e organisashon di CNSJ i Fundashon Bon Intenshon pa un biaha mas a skohe nan fasilidatnan. Pa por a hinka un i tur den e esfera di CNSJ, Renaissance Curaçao Resort a adaptá su repertorio di entretenimentu bibu durante di fin di siman tra’i lomba ku músika di Jazz. E konsiertonan di CNSJ ta un sosten grandi na e pilar turístiko di Kòrsou, pues no por keda sin demostrá gratitut. Danki Fundashon bon Intenshon pa un grandioso wikènt di Curaçao North Sea Jazz. Ya kaba tin gran espektativa pa otro aña.