Komo parti di ’Ladies First Spring Campaign i preparashon pa e Stiletto Run

WILLEMSTAD –Mart- Renaissance Mall i Rif Fort en konekshon ku e kampaña dediká na nos hende muhénan ‘Ladies First Spring Campaign’ ta presentá su ‘Ladies Night’ dia 27 di Mart próksimo. Un anochi spesialmente organisá  pa duna un trato spesial na nos damanan. Un invitashon ta bai na tur dama di Kòrsou pa bishitá Renaissance Mall i Rif Fort djaweps awor entre 7:00pm i 11:00pm pa disfrutá di un ‘Ladies Night’ ku lo ofresé biña grátis di Brandsimex, i purbamentu di keshi di The Royal Dutch Cheesery na kuminsamentu di e anochi. Tambe lo tin presentashon spesial di Gilmar Fraitas riba esenario di Rif Fort i deskuentonan spesial na tantu e ‘hangout place’ nan komo na e diferente restorantnan den Renaissance Mall i Rif Fort. Pues motibunan sufisiente pa forma parti di ‘Ladies Night’ djaweps awor 27 di mart. Sigui hasi bo kompra, bishitá restorantnan òf djis relahá na Renaissance Mall i Rif Fort i amplia bo chèns pa gana premionan atraktivo den e kampaña ‘Ladies First Spring Campaign’. Na kompra di 25 florin òf mas e kliente ta haña un kupòn, ku e kupòn aki e kliente ta partisipá pa gana premionan atraktivo den e kampaña. Ademas di esaki por inskribí pa e  di sinku kareda riba hilchi haltu dor di yama; 435-5023. Tuma nota ku e kareda aki lo tuma lugá dia 300 di aprel próksimo. Djaweps awó, e ‘ladiesnan’ ta keda invitá pa disfrutá di un anochi dediká na nan i nan amiganan. No lubidá ku tin posibilidat di parkeo grátis. Renaissance Mall i Rif Fort ta e eskoho perfekto pa dibertishon i bon entretenimentu.