WILLEMSTAD –  Willemstad – Novèmber – Fin di aña ta aserka i tur hende ta prepará; ya kaba Renaissance Mall i Rif Fort a sende su lusnan di Pasku, esaki ta krea un ambiente tremendo pa kana i hasi kompra huntu den famia. Lo tin anochinan di kompra skematisá na unda ku ta duna tur hende oportunidat amplio pa por kumpra e regalonan di Pasku òf hasi un ‘last minute shopping’ den kualke establesimentu di Renaissance Mall i Rif Fort. Despues di e eksitoso lansamentu di e kampaña “Island Extravaganza” djabièrnè último, e ambiente ta kontinuá. Djabièrnè awó dia 28 di novèmber, lo tin e promé nochi di kompra -Black Friday Sale- ku entretenimentu di DJ Maarten Schakel.

Fechanan di Shopping Night:

E siguiente djabièrnènan lo ta 5, 12 i 19 di desèmber próksimo. Djabièrnè awó, ademas di tin entretenimentu di Maarten Schakel lo tin ambiente di happy hour ku Dj. Carlito na e Rif Fort ‘stage’. Hasiendo kompra na Renaissance Mall i Rif Fort tur kliente ta risibí un kupòn pa kada kompra di 25 florin òf  pa kada 25 punto akumulá riba karchi di miembresia di Carnaval Casino.  Un i tur ku bishitá Renaissance Mall & Rif Fort i Casino pa shòp, relahá òf purba e suerte lo tin oportunidat di forma parti di e kampaña aki ku chèns di gana premionan fabuloso. E gran final di  “Island Xtravaganza” lo tuma lugar dia 27 di desèmber próksimo.**Kòrda ku na Renaissance Mall i Rif Fort tin posibilidat di parker grátis.