UN SIMAN, UN PREIS, MINIMAL 3 PLATO: esei ta e konsepto di siman di restorant Kórsou.

Kuminsando djaluna 9 te ku djadumingu 15 di novèmber 2015, e famoso i tradishonal siman ku ekselente plato ta tuma lugá atrobe. Kiko esei ta enserá? Un siman largu komunidat di Kòrsou por disfrutá di kuminda kulinario na un preis fiho i abou na e mihó restorantnan na Kòrsou. Siman di restorant ta un oportunidat perfekto pa riba e dianan apropiá skohe un restorant eksklusivo ku abo no a yega di bishitá. Di dies edishon. Den novèmber 2009 siman di restorant na Kòrsou a inisiá. Na inisio apenas tatin reservashon – algu ku no ta komun na Kòrsou- loke a konduisí ku hopi a keda desapuntá pasombra a topa restorant kompletamente yen. Kòrsou por general no tin e kultura di reservá na restorant. Esei entretantu a kambia drastiko I awendia ta altamente rekomendabel i nesesario pa bèl i reservá adelantá. Na e promé edishon
di siman di restorant na Kòrsou, mas ku 6.000 persona a sena na 37 diferente restorant. E eksito a pone ku dos be pa ana ta realisá e siman di restorant kulinario na Kòrsou. E ana aki den yuni 2015 no menos ku 12.000 kliente a bishitá I sena na 51 diferente. Wepsait. For di awe tin posibilidat pa reservá pa e di 10 edishon di siman di restorant. Kon tin di realisá esei? Bishitá e wepsait spesial konstruí pa siman di restorant Curacao www.restaurantweekcuracao.com. Riba e wepsait ta topa e lista di tur restorant partisipante, kategorisá ku nan spesialidat kulinario. Bèl e restorant deseá i realisá bo reservashon inkluso e kantidat di persona, menshonando ku ta pa siman di
restorant. Tarifa spesial di naf. 55,- pa un sena kulinario spesial di 3 plato. E preis ta inkluso OB! Kada restorant a traha un sena spesial. E tarifa di naf. 55,- ta eksklusif bebida I tep. Mayoria di restorant ku ta partisipá ya kaba a pone nan menu kulinario riba www.restaurantweekcuracao.com kaminda por tuma nota di e variedatnan kulinario di tres plato. Por sigui siman di restorant atrabes di nos pagina riba Facebook pagina (restaurantweek.curacao) of Twitter (@RestauWeekCur). Ademas partisipantenan na siman di restorant por gana premio tur dia. Partisipashon pa gana premio ta fasil. Saka un potrèt di bo plato kulinario I pone esei riba FB di Quality Dishware. Tur dia lo skohe un o mas partisipante ganadó ku lo risibí un premio di Quality Dishware ku ta varia entre 50 i 150 florin. E di dies edishon di siman di restorant kulinario ta keda realisá ku partisipashon i sosten di e siguiente partnernan: Kinderkrant, Frog Media Design, Go Weekly, One Media Group, Kitatin, ESO, Quality Dishware, Social Lemons, Paradise FM, Mediashon Curacao en Maduro en Curiel’s Bank.