1 siman, 1 preis, 3 plato: esaki ta é menu di “Restaurantweek Curaçao!” For di djaluna 8 di juni te ku djadumingu 14 di juni 2015 Restaurantweek Curaçao lo tuma lugá e di 9 bes. Durante un siman, komunidat por disfrutá di sena eksklusivo i delisioso den e mihó restorantnan na Kòrsou. Oportunidat úniko pa kada dia bishita un restorant partisipante i pa deskubrí i sera konosí ku diferente establesimentunan ku abo semper a deseá pa konosé. RESERVA ADELANTA For di awe reservashon ta habri. Lo tin diferente restorant ku lo ta kompletamente yen ku nan reservashon den algun dia. P’esei ta altamente rekomendabel pa reserva adelantá. Kon pa reserva? Subi e website www.restaurantweekcuracao.com, skohe bo restorant preferí riba e site. Yama e restorant di bo preferensia i reseserva adelantá bou di menshon di “Restaurantweek
Curaçao”. MENU SPESIAL Kada restorant a prepará un menú eksklusivo di tres plato pa “Restaurantweek” basá riba nan spesialidat. Abo por disfrutá un siman largu di e menu pagando un preis fiho di ANG. 55,- (incl. O.B., excl. bebida & tep). Mayoria restorant a publiká nan menu riba www.restaurantweekcuracao.com. Subi awe i skohe bo
plato preferí. Djis un ñapa di e edishon aki: “Slowcooked beef in beer, caramelized picanha, quinoa, garlic conch, tuna ceviche, carrot cake, swordfish, marinated octopus” i un kombinashon di “Granny Smith apples/ Nordic shrimps/avocado”. Sigui desaroyonan di “Restaurantweek” riba e pagina di Facebook (fb.com/restaurantweek.curacao) of Twitter (@restauweekcur). E di 9 edishon di “Restaurantweek Curaçao” ta keda realisá ku koperashon di (media)partners: Kinderkrant, Frog Media Design, Go Weekly, TeenView, One Media Group, Kitatin, ESO, Quality Dishware, Social Lemons, Paradise FM i Maduro & Curiel’s Bank.