WILLEMSTAD —  Djarason awor dia 1 di òktober, direktiva di AMAK ta invitá agrupashonnan musikal, intérpretenan i kompositornan na un reunion general èkstra ordinario, kaminda lo trata e tema Festival di Tumba. Lo tin dos punto di agènda i esakinan lo ta:

• Evaluashon Festival di Tumba 2014
• Preparashon pa Festival di Tumba 2015

E reunion general èkstra ordinario aki ta programa pa kuminsá pa 7 or di anochi i ta plania pa finalisá 8:30, djarason dia 1 di òktober 2014. Na aña 2015 lo ta e di 45 aña di Festival di Tumba i mester bai traha huntu pa por hasi esaki grandi. P’esei Direktiva di AMAK ta hasi un apelashon pa tur agrupashon musikal ku a i lo bai partisipá den Festival di Tumba, pa nan manda maske ta un representante na e reunion importante aki. E mesun kos ta bai pa e kantantenan i kompositornan.