Keda aksesibel durante di bo biahe

WILLEMSTAD, Kòrsou- Aprel 2015: Digicel su tarifanan di roaming na Merka, Hulanda, region di Caribe i Latino Amérika ta esunnan mas atraktivo, sigur ora ku e usuario aktivá su “Roam Like You’re Home”. Digicel no tin restrikshon pa ‘roaming’, esaki ta nifiká ku no mester hasi depósito promé ku biaha pa eksterior, por sigui usa e mesun number lokal. Solamente mester aktivá e servisio via *153# di e forma aki e usuario por disfrutá di tarifanan kumbiniente i asta risibí yamada for di kas grátis.

E aña aki, pa sigui konsientisá e kliente riba e servisio di ‘roaming’, Digicel a asosiá ku diferente agensianan di biahe na Kòrsou. Na momentu ku hasi un reservashon pa un biahe na sea Mau Asam Travel, A1 Travel òf na Does Travel & Cadushi Tour, e kliente ta risibí un estuche pa su dokumentonan di biahe òf un ‘tag’ pa ekipahe ku ta kontené tur informashon i detayenan importante di “Roam Like You’re Home. Tur kliente lo ta debidamente na altura di e servisio i su benefisionan. “Nos ke sigurá ku e eksperensia di biahe ta kompletu- sin ku e ta risibí sorpresa pa motibu di kostonan adishonal ora ku e yega bèk for di vakashon. Ta importante si pa e kliente sá ku roaming regular den eksterior por ta hopi kostoso pero ku un plan di Digicel – roaming no ta un doló di kabes!”, esaki di akuerdo ku Shayenne Rock, Marketing Manager di Digicel.

Pa ‘roam’ ku benefisio risibiendo tarifanan barata klientenan lo mester aktivá e plan ‘Roam Like You’re Home’! dor di ingresá un kódigo kòrtiko *153# pa telefonnan prepago i postpago. Por aktivá e plan promé i òf durante di estadia den eksterior. E plan di Digicel por wòrdu usá na momentu ku biaha pa Hulanda, Merka, i merkado di Digicel den Caribe i Latinoamérika. Ku un plan aktivo di ‘Roam Like You’re Home’ e tarifanan ta hopi benefisioso.  Pa Merka e tarifa di ‘Roam Like You’re Home’ e kliente lo paga US$. 0.35 sèn pa minüt pa yama kas, miéntras ku ora e risibí yamada, esaki ta kompletamente grátis, manda un SMS lo ta apénas US$ 0.15 sèn i Data ta wòrdu kobrá US$ 0.50 pa MegaByte i igual pa Hulanda. Tarifanan pa ‘Roam’ sin aktivá e servisio por varia entre $6 pa $20 pa Megabyte. Risibí yamada lo por a kosta te asta $1 pa minüt i pa hasi yamada esaki por ta kosta te asta $2 pa minüt. Aktivashon pa e plan ‘Roam Like You’re Home’ ta kosta solamente Naf. 10,00 pa telefonnan prepago i ta balido durante di 10 dia. Pa klientenan ku un kuenta postpago, esaki ta kosta Naf 25,00 i ta balido durante di 30 dia.

E servisio di ‘Digi Roaming’ ta manera kustumbrá, ku preisnan redusí riba yamada, SMS i riba uso di data pa klientenan di Digicel ku ta biaha entre Kòrsou, Boneiru òf Aruba no tin gastu di DATA-roaming tanten ku nan ta hasiendo uso di e ret di Digicel. Pa tuma nota di tarifanan aplikabel pa e diferente destinashonnan por bishitá kualkier establesimentu di Digicel òf e wepsáit http://www.digicelcuracao.com tambe por yama sentro di servisio pa kliente na number +5999 6900035 òf 145 grátis for di bo selular di Digicel. Por komuniká tambe via Facebook https://www.facebook.com/DigicelCuracao.