Risibí tur yamada ku bo prepago òf postpago grátis miéntras bo ta di biahe

WILLEMSTAD/ YÜNI 2014:- Despues ku den luna di December 2013, Digicel a lansa su tarifanan nobo i mas barata pa roaming den Caribe i Latino Amérika ku “Roam Like You’re Home” i  “DigiRoam”, Digicel awór ta ofresé aun mas tantu benefisio na su klientenan. Bai den eksterior i keda risibí yamada via di bo telefon selular sin ningun gastu adishonal. Digicel a kita tur restrikshon pa ‘roaming’, esaki ta nifiká ku no mester hasi depósito promé ku bo biaha pa eksterior, por sigui usa bo mesun number lokal. Pa ‘roam’ ku benefisio risibiendo tarifanan barata klientenan lo mester aktivá e plan ‘Roam Like You’re Home’! dor di ingresá un kódigo kòrtiko *153# pa telefonnan prepago y postpago. Por aktivá e plan promé i òf durante di estadia den eksterior. E plan nobo i ku mas benefisioso di Digicel por wòrdu usá na momentu ku biaha pa Hulanda, Merka, i merkado di Digicel den Caribe i Latinoamérika. Ku un plan aktivo di ‘Roam Like You’re Home’ e tarifanan ta hopi benefisioso.  Pa Merka e tarifa di ‘Roam Like You’re Home’ e kliente lo paga US$. 0.35 sèn pa minüt pa yama kas, miéntras ku ora e risibí yamada, esaki ta kompletamente grátis, manda un SMS lo ta apénas US$ 0.15 sèn i Data ta wòrdu kobrá US$ 0.50 pa MegaByte i igual pa Hulanda. Ta importante si pa sá ku roaming regular den eksterior por ta hopi kostoso. Esaki usualmente por varia entre $6.00 i $20.00 pa MegaByte (data) i yamadanan lo por ta $1 pa minüt na Merka dependiendo di e proveedor ku e kliente ta selektá. Aktivashon pa e plan ‘Roam Like You’re Home’ ta kosta solamente Naf. 10,00 pa telefonnan prepago i ta balido durante di 10 dia. Pa klientenan ku un kuenta postpago, esaki ta kosta Naf 25,00 i ta balido durante di 30 dia. Pa tuma nota di tarifanan aplikabel pa Hulanda òf Merka por bishita kualkier establesimentu di Digicel, bishitá e wepsáit http://www.digicelcuracao.com òf yama sentro di servisio pa kliente na number +59996900035 òf 145 grátis for di bo selular di Digicel. Por komuniká tambe via Facebook https://www.facebook.com/DigicelCuracao. Klientenan di Digicel por sinti nan mes gosá e temporada di vakashon aki. ‘Digi Roaming’ ta keda igual; ku preisnan redusí riba yamada, SMS i riba uso di data, pa klientenan di Digicel ku ta biaha entre Kòrsou, Boneiru òf Aruba no tin gastu di DATA-roaming tanten ku nan ta hasiendo uso di e red di Digicel. E plan nobo ‘Roam Like You’re Home’ ta un notisia hopi plasentero pa klientenan di Digicel, partikularmente e klientenan ku ta preparando pa biaha pa negoshi òf fakansi den e siguiente simannan.