WILLEMSTAD —  Djabièrnè awor dia 4 di òktober 2013,  lo tuma lugá den Venetto Daiquiri Piano Bar e tan espera “Romantic Party” ku presentashon di dos tòp banda di reflection i músika bunita di rekuerdo ku ta Quality One i B Conection. Fanatikonan di bon músika, esta músika bunita di rekuerdo di Q One i Reflection di B Conection ta primintí di bira un evento spesial pa e grupo di hendenan di 40 aña pa ariba ku ta buskando un lugá trankil pa bai baila e wikènt aki. Q One ta konta ku kantantenan konosí manera Ernest “Keke” Willems i tambe Arthur “Tuyu” Martina ku ta konosí pa nan músikanan bunita i tremendo bos, miéntras ku di otro banda B Conection lo presentá ku Blijden i tambe Boy Margaretha komo nan dos super estreanan kla pa e bataya entre Q One i B Conection. Entrada pa e Romantic Party aki ta apénas 15 florin i e ta optenibel adelantá dor di djies yama 569-7888 o 524-9858 i bo por kumpra bo sigurá bo karchi adelantá pa e aktividat aki ku bo no por pèrdè. Quality One i B Conection den “”Romantic Party” djabièrnè awor den Daiquiri Piano Bar den Hotèl Venetto.