WILLEMSTAD – Mei 2015– Sakamentu di ‘selfie’ a bira masha popular, awòki hasta kompanianan di telefonnan mobil a kuminsá fabriká e popular ‘selfie stick’ ku ta fasilitá e sakamentu di e ‘selfie’. Un ‘selfie’ ta nada mas ku un potrèt saká dor di bo mes, usualmente ku un kámara di telefon. E popularidat di ‘selfie’ a krese na momentu ku esaki a wòrdu kompartí riba retnan sosial, manera Facebook. Renaissance Mall & Rif Fort ta den preparashon pa brinda tur mama di Kòrsou un Dia di Mama inolvidabel i pa hasi esaki posibel Renaissance Mall & Rif Fort ta introdusí un lista di aktividat spesial kombiná ku vários promoshon na unda ku Mama ta sentral. Durante e dianan aki Renaissance Mall & Rif Fort ta invitá tur yu pa saka un ‘selfie’ ku Mama na Renaissance Mall & Rif Fort i forma parti di e tremendo kampaña riba Facebook. Algun tep ku por duna pa e ‘selfie’ perfekto lo ta; bon klaridat (lus), buska un bon ángulo, un bunita background i e ‘selfie’ mester ‘konta’ un eksperensia. Pues saka bo ‘selfie’ ku Mama, pone esaki riba Renaissance Mall & Rif Fort su página di Facebook usando e ‘hashtag’ #renaissancemallandriffort i outomátikamente bo ta un partisipante. E 3 potrètnan ku mas ‘likes’ lo gana un ‘Mother’s Day Brunch’ pa dos na Renaissance Resort dia 10 di mei. Na momentu ku bo pone bo ‘selfie’ invitá tur bo amigu/amiga i famianan pa ‘like’ bo potrèt riba e página di Facebook di Renaissance Mall & Rif Fort p’asina bo generá mas ‘likes’. Djabièrnè 8 di mei lo anunsiá e ganadornan di e kampaña aki. Keda pendiente pa mas aktividat i promoshon spesial pa Dia di Mama di Renaissance Mall & Rif Fort.