WILLEMSTAD – Djabièrnè anochi den Food Court di Sambil a lansa un kampaña. Pa kada kompra di 25 florin òf mas na pakusnan den Sambil e kliente adulto ta haña un kupòn (te un máksimo di 10 pa biaha) pa por ta den e rifa pa e Hyundai Creta nobis di Crown Automotives. Mester yena e kupònnan aki kompletamente pa por partisipá. E kampaña aki ta kore te fin di yüni. Dia 30 di yüni ta saka e ganador, kaminda banda di un notario TeleCuraçao i TCFM tambe lo ta testigu, i dia 1 di yüli ta anunsiá nòmber di e ganador.

Ademas a lansa un ‘Foodthon’ kaminda durante un luna, te 15 di mei awor, di djaluna te i ku djaweps por kumpra kuminda ‘kombo’ pa 12 florin i mei na e negoshinan den Food Court. Pa kada ‘kombo’ den e Foodthon aki tambe ta duna un kupòn pa partisipá na rifa di e outo.

Riba website di Sambil por haña un splikashon mas amplio di e kondishonnan pa partisipashon