“NOS A HABRI NOS PORTA BEK “  “Djadumingu awor dia 30 di novèmber “

Willemstad- Sentro di Bario di Montaña ta yama danki na tur ku a duna nos sosten moral  pa sigui ku e trabou balioso ku nos ta desplegá den bario di Montaña . Pa e motibu aki nos ta bai organisá un tremendo bazar,  un evenementu ku un balor grandi kual tin un  meta bunita su tras.  E bazar ta netamente pa bario i su habitantenan òf personanan  generá un tiki sèn den fin di aña i hasi algu èkstra. Tur tiki ta yuda i nos di sentro di bario ke konsientisá nos pueblo ku loke abo no mester mas òf no por usa mas, bin bende na un preis mas abou. Tur habitantenan di bario i besindario ta bon biní. Lo tin diferente stènt, lo bai tin BON KU NE di 1 florin pa wega, paña nobo i segunda mano, kos dushi,  eiskrim trahá na kas di diferente fruta lokal, tambe lo tin dekorashon di Pasku , stul i mesa pa mucha trahá di material resiklá, asesorio, tambe nos lo bai tin huki pa mucha ku yen di wega. Lo tin animashon di un DJ pa e dia ta kompleto, nos bar i kushina ta bon surtí.  E aktividat aki ta pa un bon kousa. Nos ke motivá tur hende i organisashonnan di bario, klupnan deportivo, skolnan den bisindario, organisashonnan spiritual i otronan pa akudí serka nos. Lo tin algu sigur pa tur edat. E idea ta pa nos hasi e dia aki un dia históriko pa bario. “Kosecha di tur kunuku ta yena mangasina anto sin bo aporte balioso nos lo no por logra nos meta”. Nos ke trata na mantené un union entre habitantenan den barionan pariba. Un boka bisa otro