WILLEMSTAD – Scarlet Kòrsou, eksistiendo eksitosamente 14 aña kaba riba nos isla, a honra su klientenan korporativo ku un evento super elegante. Di e forma aki e kompania Scarlet a laga sa ku nan tei ketu bai ku nan ofisina na Kòrsou bou direkshon di e mesun doño di Scarlet for di 1992 ku ta Paul Gelderloos. Durante e evento, Sr. Gelderloos a hiba palabra gradisiendo tur presente pa nan loyalidat na Scarlet durante tur e añanan ku a pasa, ilustrando ku maske ekonomia no ta hopi fuerte na Kòrsou aktualmente, tòg Scarlet a mantené su ofisina habrí. Paul Gelderloos, un persona sumamente positivo, ku ta kere den meditashon pa yega na metanan sobre natural a duna e gerensia di e ofisina na Aruba na e konosido Sra. Bettina Daal i na Sint Maarten na Sr. Jean de la Salle. Scarlet ta te ainda e provider di “Wireless High Speed Internet” mas grandi na Kòrsou. Aktualmente Scarlet ta konta ku un grupo konsiderabel di klientenan korporativo ku ta usa su servisio di internet ku ta bai te 25 Mb dedikado riba wireless, esta up i download. “High Speed” ku sigur pa hopi di esnan ku ta sùrf riba internet ta ideal trabounan ku ta rekerí e spit aki. Loke ta mas atraktivo di esaki t’e preis ku ta hopi ekonómiko i sigur kompetitivo ku un señal stabil i konfiabel na tur momentu. Mas ainda pasó Scarlet ta dunabo ku kualke pakete ku bo tuma sea residensial òf koperativo un IP adrès státiko. Ku e IP adres aki bo mes ta monitor bo kamara na kas por ehèmpel si bo ta den eksterior i muchu mas. Si Scarlet bisabo ku nan por dunabo 2Mb, 5Mb, 10Mb, 15Mb, 25Mb riba “wireless” òf te ku 100Mb riba “Fiber optic” kere nan, pasó bo por asta hasi un ‘speed test’ ku lo mustrabo kon rápido nan ‘High Speed’ di internet ta. Den e mesun rosea nos por señalá ku nos servisio residensial tambe ta na bo alkanse brindando nos klientelanan hopi posibilidat i na un preis muchu mas abou ku otro provider. Awendia e kliente ta buska servisio 24 ora i den fin di siman, e kliente ta buska “High Speed” ku realmente ta loke bo ta paga p’e. Ku Scarlet bo por konta ku no tin “Buffering” òf “Loading” spesialmente pa esnan ku henter dia ta online, esnan ku ta riba internet pa trabou, pa weganan “on-line” i esnan ku ta stream ku nan “Smart phone” òf TV. E sistema fabuloso simétriko ku ya kaba nos a menshoná di e ‘up i download’ “High Speed” ta idéntiko, si bo kumpra 10 Mb por ehèmpel, ta 10 Mb up i download, nada di 2 MB pa load i 8 MB pa download òf vise vèrsa. Ta momentu pa nos komunidat tambe gosa di un servisio di internèt ku bo por konta riba dje i ku realmente ta dunabo loke bo ta paga p’e. Pa loke ta instalashon di e servisio preferensial, esaki a kuminsá haña un akohida hopi fuerte den nos komunidat; ya ku esnan ku tin esaki kaba por wak ku en realidat bo ta hañando e ‘High Speed’ ku bo a pidi i paga p’e. Pa esnan korporativo tin un lista di kliente ku ta sumamente kontentu ku e servisio i por menshoná ku komo kliente Scarlet tin institutonan finansiero, seguro i asta hotèl pues negoshi- i kompanianan ku ta konta 100% riba Scarlet su servisio di “High Speed” internet. Scarlet no ta papia hopi, pero si nan ta dunabo servisio ku ta konta masha hopi mes pa kada un kliente, di esun mas chikí te na esun mas grandi. No warda muchu mas, ta momento p’abo sinti e servisio di Wireless High Speed internet i sinti tambe di bèrdat e senarionan di rapides ku Scarlet so por brindabo. Ta rekomendabel p’abo yama awor aki mes na tel 766-0000 òf bishita nos website www.scarlet.cw òf subi facebook.com/scarletcuracao pa bo haña sa mas. Scarlet ta un kompania ku ta brindabo servisio di internet ku ta surpasá bo espektativa ku preis kompetitivo, instalashon rápido i support konfiabel tur dia.