Renaissance Curaçao Resort ta dunabo un otro eksperensia

Willemstad – Aprel– Dia di Mama ta un dia spesial ku mester wòrdu selebrá na un manera ekstraordinario. At’akí bo chèns pa hiba mama brùnch na Paris riba su dia. Klaro, sin e gastunan kuantioso! Djadumingu 8 di mei próksimo Renaissance Curaçao tin su tradishonal ‘Mothers’ Day Brunch’. Anualmente e brùnch na Nautilus ta e skohensia preferí di tur mama. E biaha aki, estilo Paris. E ‘Parisian Mothers’ Day Brunch’ lo ta dediká na tur mama riba nan dia. Atrium i Nautilus Restorant lo keda kombèrtí den un ambiente úniko; sintibo pa un momento na Paris, kanando na Champs-Élysées.

E Parisian Mother’s Day Brunch lo keda sirbí entre 12’or di mèrdia i 3’or di atardi. Un brùnch bufèt prepará spesialmente pa selebrá dia di mama pa únikamente Nafl. 85 pa persona, muchanan bou di 12 aña ta paga mitar preis i muchanan bou di 5 aña ta kome grátis. Preis ta inkluí un ‘welcome cocktail’ i dos limonada. Durante di e brùnch lo tin músika bibu pa entretené tur e mama i nan famia. Debbie Beaujon lo pèrkurá pa dushi músika den e Atrium miéntras ku Gilmar Fraites lo deleitá tur presente den Nautilus. Lo tin un rifa i diferente otro premio mas ku por wòrdu ganá durante e Parisian Mother’s Day Brunch. Pa kumpra karchi i hasi reservashon por yama 4355009 òf manda un email na nsoleana@curacaorenaissance.com