Pa selebrá  10 aña di eksistensia i kompartí  ku pueblo lokual nos a siña, eksperensha i ta saka goso di dje  musikalmente, HPA a dokumentá mayoria di nan kantikanan di seú riba  un dòbel CD  “Honor na Nos Seú”. Un total di 22 piesa di seú huntu kui un buki ku splikashon di e estilo di toka seú di HPA. Piesanan popular manera e.o :  Honor na nos Seú i Kaya ku seú kantá pa Reinier Lijfrock, Esaki ta mi tera – Niata Augusta, Kanto pa Kòrsou – Heinrich (Rich) Pieter, Kòrsou riba pia- Rachid Felida ta entre e 21 komposishonnan di Marvin Snijders riba e disko kompakto. Dia 22 di yüni a presentá e dòbel CD ofisialmente  i di un manera speshal a batisá e CD ku ariña di mishi chikí, tambe a pone miembronan den lus i a otorgá na nan plaka di gradisimentu komo muestra di apresio pa nan aporte pro deo. Tambe tabatin interkambio di plaka ku nos grupo ruman, Grupo Ambiente Kultural i Happy Youth In Jezus ku nan bailarinan ta komplementá nos presentashon na varios okashon. Nos ta yama danki na Prins Bernard Cultuurfonds Caribisch Gebied, Kas di Kultura i CTB ku a kontribuí pa hasi produkshon di e CD akí posibel. E CD  ta riba merkado i ta na optenibel serka miembronan di HPA i na Boekhandel Mensing. Di parti di e tim HPA danki tambe  na tur músiko boluntario  ku ta koperá ku nos, tur instansia, persona i grupo  ku a sostené nos durante 10 aña HPA. Por sigui nos via ret sosial Facebookpage www.facebook.com/hpacuracao