Willemstad – yüli 2015: Djasabra awor pa di tres aña konsekutivo ENNIA ta selebrá Dia di Penshonado. Tur kliente ku ta kobra nan penshun di e kompania di seguro akí, a risibí nan invitashon personal den nan buzon na kas. ENNIA ke rekordá tur invitado pa bini ku e invitashon huntu ku e number anekso ku ta sirbi komo karchi di entrada. E penshonadonan invitá por konta ku un mainta yena ku muzik, baile i bingo.

Pa mas informashon i reservashon por tuma kontakto ku ENNIA riba 434-3922.