Selikor ta partisipá ku e kompania ta eksperensiando algun retraso den su skema di rekohé shushi di kas. Esaki debí na algun desperfekto ku a surgi ku nos ekipo di trabou e siman tras di lomba. E barionan riba e ruta di djaweps, Julianadorp, Klein St. Michiel i Brokoponde, ku a keda atras siman pasá, Selikor lo pasa hasi e kònteiner bashí riba e mesun dia di e siman aki. Pa loke ta trata e otro rutanan, den kaso ku Selikor no alkansá yega pa duna servisio riba e dia kustumbrá, nos trùk lo pasa hasi e kònteiner bashí e siman aki mes.  Dor di skùif un tiki den e skema di rekohé shushi Selikor ta trata pa no laga ningun bario keda hopi dia ku nan shushi. E kompania lo traha ku dos sheft pa asina garantisá ku e siman aki mes e retraso ta keda solushoná. Klientenan ku tuma nota ku Selikor a pasa den nan bario pero no a bai ku nan shushi por tuma kontakto ku nos departamentu di Servisio na Kliente na 46-limpi, 465-4674. Personal di Selikor ta hasiendo su máksimo esfuerso pa aliviá e situashon aki den un tèrmino di tempu kòrtiko. Selikor ta pidi su diskulpa pa eventual inkonbeniensia ku e kambio den servisio aki por trese kuné i ta pidi su klientenan indulgensia pa e situashon ku a surgi.