Den kuadro di selebrashon di Siman di Kultura, Sentro Kultural Kòrsou a realisá apertura di su eksposishon di arte visual, kua ta kontené kuadronan pintá pa su alumnonan mucha, komo hóben i adulto. E eksposishon aki por ser mirá henter e siman aki tur dia te ku djadumingu 4 di òktober den e ouditorio di Sentro Kultural Kòrsou di 9’or di mainta te 7’or di anochi.

Durante su diskurso señor Elvio Cijntje, Presidente di Sentro Kultural Kòrsou a mustra su satisfakshon pa e avanse di e tur su alumnonan. Den kada eksposishon bo ta mira e progreso grandi di e alumnonan.

Personanan ku ta deseá mas informashon tokante e kurso di pintamentu por pasa na atministrashon di Sentro Kultural Kòrsou den oranan di mainta di 9’or pa 12’or di mèrdia, òf por yama telefòn 737-3510 òf 737-3682.