Willemstad, Curaçao – Little Twinkles ta un grupo di karnaval hubenil ku a wordu formá dor di lidernan ku tin karnaval na kurason. lidernan kapasitá i yená ku talento kla pa duna nan aporte pa yuda engrandese Karnaval den su totalidat.

Little Twinkles tin komo mishon pa engrandesé e selebrashon kultural mas grandi di Kòrsou dor di kuminsa inspirá, eduká i konsientisá esnan di edat mas chikí. Little Twinkles tambe tin komo meta pa kultivá e amor pa ku Karnaval for di trempan dor di brinda nos twinkles (miembronan) un eksperensia karnavalesko edukativo den un espasio sano i sigur, kaminda nos muchanan lo por disfrutá, baila i gosa.

Loke ta hasi Little Twinkles úniko ta e vishon ku nan tin kual ta pa pone énfasis i hopi atenshon riba edukashon di nan miembronan riba e tereno karnavalesko. Little Twinkles ta un grupo inovativo basá riba ideanan i temanan pa ku disfrasnan anto e manera uniko pa yuda promovè Karnaval. I pa finalisá Little Twinkles ke konsientisá su miembronan di e importansia ku nan partisipashon tin pa ku engradesementu di e grupo i karnaval en general. Inspirandonan pa nan sigui bria henter aña di nobo ku e lus positivo ku Little Twinkles a yuda sende den kada unu di su miembro nan.

Awe nos ke aserká abo mayor ku tin un yu of mas ku tin e interes pa forma parti di un grupo dinamiko, edukativo no karu anto yená ku ambiente. Tuma kontakto ku nos pa mas informashon na numbernan di telefon 685-0326 of 510-3790, via mail: Little.Twinkles.group@gmail.com of por bishita nos pagina sosial www.facebook.com/littletwinklesgroup dal un like, share e pagina i keda pendiente pa mas updates i notisia di grupo di karnaval hubenil “Little Twinkles” ku su tema Twinkles…It’s Time to Shine! Yuda nos yega 500 Likes riba facebook i tin e oportunidat di gana bo partisipashon full paga i forma parti di Little Twinkles sin niun gastu na dje. Fecha di e rifa lo wordu anunsia na momentu ku e pagina yega 500 Likes.