Cpost International N.V.  den su maneho pa optimalisá e servisio na su klientenan a hasi entrega di sertifikado na koleganan ku a partisipá na un ‘training’ di Servisio na Kliente.  Aki a partisipá tur empleadonan ku tin kontakto direkto ku kliente na kada un di e filialnan di Cpost International N.V. E ‘training’ di Servisio na Kliente a keda duná dor di Sr. Eldon de Jong di “Teamwork Curaçao”.

Ademas a hasi entrega di sertifikado na koleganan ku a haña un kurso di Organizational Leadership. Na e kurso aki a partisipá e lidernan di kada un di e departamentu nan di Cpost International. E la keda duná dor di Sr. Danny Evers di “I am Consultancy” ku a enfoká riba diferente aspekto di liderasgo den un kompania.

Gerensia di Cpost International ta yama pabien na tur e empleadonan i ta sigui invertí den su personal pa por brinda e mihó servisio na klientenan interno i eksterno. Tur esaki den kuadro di e maneho di Cpost International pa bira Un kompania profeshonal di servisio.