WILLEMSTAD – Awor por spar i troka Fun Miles tambe na e butik di paña ku a kaba di habri su portanan den Punda. Shana ta un marka di paña yòn i trendy for di Barcelona ku ta kresiendo rápido na hopi parti di mundu. Tantu hende hòmber komo hende muhé ta haña paña i asesorio ku ta di moda na Shana.

MUSTRA BO OUTFIT DI SHANA I GANA 25.000 FUN MILES

Pa selebrá Shana komo partner nobo di Fun Miles lo tin un kampaña di introdukshon hopi speshal. Miembronan di Fun Miles ku shòp na Shana durante luna di desèmber i post un potrèt riba Facebook den nan outfit di Shana i tag #ShanaCuracao, tin chèns di gana 25,000 Fun Miles. Riba djabièrnè 19 di desèmber tin un Fun Miles shopping night ku ‘fun’ i yen di benefisio èkstra.

TOKANTE SHANA

Shana ta un marka di paña relativamente nobo ku a sali riba merkado na aña 2010 i ya tin sentenáres di tienda na diferente pais rònt mundu. E fórmula di éksito ta simpel: moda atraktivo ku preisnan atraktivo. Shana a demostrá ku paña i asesorio di estilo no mester ta karu. E tienda Shana na Kòrsou ta den Madurostraat 34 na Punda.

MAS INFORMASHON TOKANTE FUN MILES?

Yama Fun Miles su departamento di Servisio pa Kliente na 465 3300, bishitá funmiles.net òf facebook.com/funmiles.