Djaluna 22 di Sèptèmber Shelomi Baromeo “Shelly” ta lansa un “single” ku e kantika titulá: “Áwaseru”. “Áwaseru” ta resultado di un tremendo karga ku e kantante aki tin pa su pais. E kantika su meta ta, pa duna speransa na un i tur ku maske ainda nos por ta mirando sekura den nos situashon soshal, ekonómiko, den kasnan di famia, den nos barionan i otro área di nos komunidat, pronto áwaseru di bendishon lo yobe atrobe pa Kòrsou i kore ku tur sekura. E ritmo seú ku un “twist” moderno ta kuadra presis den e siman di kultura ku nos ta bai drenta aden. Shelly e temporada aki ta den studio trahando riba su di 3 disko kompakto ku un estilo i konsepto kompletamente nobo, nunka bisto na Kòrsou.

https://soundcloud.com/officialshelomi/awaseru