WILLEMSTAD, Kòrsou- yüli 2015: E promé ganadó di Digicel su kampaña di zomer “Roam Like You’re Home” ta konosí! Durante di e temporada aki e gran mayoria ta bai ku fakansi. Digicel su tarifanan di roaming ta esun mas atraktivo, sigur ora ku e usuario aktivá su “Roam Like You’re Home”. Ademas di brinda e mihó tarifanan di roaming Digicel ta brinda e usuario oportunidat di gana e balor di su pasashi bèk. E promé ganador di e kampaña aki a resultá Sheneida Wanga ku a aktivá e servisio di RLYH p’asina e keda den komunikashon ku Kòrsou miéntras e ta di vakashon na Merka.

Tur kliente di Digicel ku aktivá e servisio di RLYH den yüli i ougùstùs tin posibilidat di gana balor di nan pasashi bèk! Aktivashon pa e plan RLYH ta kosta únikamente Fl.10 pa telefonnan prepago i ta bálido durante di 10 dia i Fl. 25 pa telefonnan postpago i ta bálido durante di 30 dia. Digicel no tin restrikshon pa ‘roaming’, esaki ta nifiká ku no mester hasi depósito promé ku biaha pa eksterior, por sigui usa e mesun number lokal. Solamente mester aktivá e servisio via *153# i asina e usuario por disfrutá di tarifanan kumbiniente i asta risibí yamada for di kas grátis. Pabien na e promé ganador di Digicel su kampaña RLYH Sheneida Wanga!

E kampaña di RLYH ta vigente te dia 30 di ougùstùs próksimo. Pa tuma nota di tarifanan aplikabel pa e diferente destinashonnan, por bishitá kualkier establesimentu di Digicel, bishitá e wepsáit http://www.digicelcuracao.com òf yama sentro di servisio pa kliente na number +5999 6900035 òf 145 grátis for di bo selular di Digicel. Por komuniká tambe via Facebook https://www.facebook.com/DigicelCuracao.