Djarason awor durante gran final di Jazz & Cash

WILLEMSTAD:-      Esaki lo ta e di dos okashon ku e popular kantante, Shirma Rouse lo presentá den e lounge di Carnaval Casino. Tur ku a yega di presensia kualke presentashon di Shirma ta keda babuká pa su talento i forsa vokal. Djarason dia 31 di ougùstùs, Carnaval Casino ta klousurá su tremendo kampaña di Jazz & Cash, ku Shirma!

Kòrsou kompletu ta den antisipashon di CNSJF ku ta kuminsá djaweps, promé di Sèptèmber ku Juan Luis Guerra & 440 i un presentashon klásiko di Kassav. Despues di un fenomenal di dos edishon di Northsea Jamzz djasabra último, ta sigur ku e presentashon di Shirma Rouse lo aksentuá e totalidat. E gran final di Jazz & Cash mes ta kuminsá 9’or di anochi, miéntras ku e presentashon di Shirma Rouse lo ta entre 9’or i 12’or di anochi na Carnaval Casino. Por spera di tur género un tiki, manera ya kaba públiko a spera di Shirma, su repertorio ta inkluí klásikonan di Chaka Khan, Micheal Bolton, Glennis Grace  i muchu mas.

Miéntras ku ta saka premio durante di e anochi final di Jazz & Cash djarason awor, públiko ta disfrutá di presentashon di Shirma Rouse i tin chèns di gana karchi pa CNSJF. Fanatikonan di bon ambiente i miembronan di Carnaval Casino ta keda invitá pa forma parti di otro tremendo anochi na Carnaval Casino. * Purba bo suerte, pero semper responsabel.