Sta. Rosa- Riba dia di bandera, esta djarason 2 di yüli awor lo bai tin un “Show di Corvette”  uniko spesial pa amantenan di e tipo di outonan spòrt aki i tambe esnan ku ta buska un kaminda great pa bai riba e dia ku nos ta selebrá 30 aña di nos bandera. E show di outonan Corvette aki ta keda organisá pa Curacao Corvette Team i e ta bai bai tuma lugá na Amigos Terrace Sportbar Restaurant na Sta. Rosaweg 147 for di 12 or di mèrdia. Un invitashon ta bai na tur persona ku tin un auto Corvette i koredó nan di Corvette pa bin djoin bo tambe e evento aki. Bin apresiá kuantu di e bunita outonan aki tin na Kòrsou i alabes saka potrèt i disfrutá di un ambiente dushi ku músika di DJ, benta di kuminda Grill i naturalmente por sinta kome tambe. Pa mas informashon por yama telefon 5606744/5601802. Curaçao Corvette Team ta pidi tur su miembronan pa konsiderá esaki komo un invitashon personal i invitá otronan pa asistí.