Willemstad, Teatro Luna Blou i La Tentashon ta invitabu pa bin selebrá siman di kultura di 28 sèptèmber pa 3 òktober na Teatro Luna Blou i La Tentashon.
Den e siman di 28 sèptèmber pa 3 òktober Teatro Luna Blou i La Tentashon a prepará un programa variá speshal pa siman di kultura,Kada dia lo bai tin un aktividat diferente ku un toke kultural manera baile,poësia,chiste, pelikula i mas.

Djaluna lo bai tin e apertura di siman di kultura ku presentashon di baile presentá pa hóbenan di La Tentashon Performing Arts Academy ku presentashon speshal di Elia Isenia. Djamars lo bai ta nochi di poësia ku presentashon di Zaerick Martha ( ganadó di Luna Yen ) i diferente otro poëta lokal. Djarason ta nochi di chiste ku presentashon di Roland ( pachi ) Damon i Germain (ma yeta ) Jansen. Djaweps nos ta sigui ku nos musika ku presentashon di grupo Apiachere.
Djabièrnè  lo bai tin presentashon di  pelikulanan di nos heroenan.
Pa klousurá e siman di kultura lo bai tin un atardi speshal pa nos muchanan “ atardi magiko “ ku presentashon di tio Ruchi, tio Ali ,payaso Eddy i Explotion dancers.

Manera bo por mira e siman ta kargá ku presentashon nan interesante ku toke kulltural. Bin disfrutá di e diferente presentashon nan  na Teatro Luna Blou , La Tentashon i alabes será konosi ku nos hardin di Luna Blou ku tambe lo bai tin diferente presentashon den un ambiente kultural.

Pa mas informashon bishita facebook page di Teatro Luna Blou òf página web : www.lunablou.com.Tambe por yama Teatro Luna Blou na 462-2209.