E désimo edishon di Siman di Buki pa mucha na Bruna ta tuma lugá for di djasabra dia 28 di òktober te ku djasabra 4 di novèmber. Buki pa mucha ku tópikonan di horor i ku ta pone bo kurpa kue rel ta sentral den e siman di buki pa mucha e aña aki.  E buki ku e muchanan ta risibí komo regalo ta di e outor Janneke Schotveld, konosí pa e.o e seri di buki ‘Superjuffie’. Na kada kompra di 25 florin na buki pa mucha, e kliente ta risibí e buki ‘Kattensoep’ di Janneke Schotveld komo opsekio na Bruna. Pa e ‘kinderboekenweek’ di e aña aki a selektá mas di 50 buki den e tema di ‘horor’; por mira nan den e  fòlder di Bruna.

Djasabra último a hasi apertura di e siman di buki pa mucha. Esaki a bai di un manera festivo den e asina yamá ‘kinderboekenbal’. Ruckley di e programa Jolly Zone a habri e siman i skol Dr Albert Swcheitzer (grupo 6A di Juf Joyce Reijnen) ganadó di e kompetensia di baile ku tema di ‘horor’ a duna un presentashon. E skol ganadó a risibí 50,000 Fun Miles, ekivalente na Naf 1,000 pa nan biblioteka na skol. Ademas di e diferente outornan di buki pa mucha ku tabata presente tabata tin diferente aktividat pa mucha tambe. E siman di buki pa mucha lo terminá dia 4 di novèmber próksimo i lo konkluí ku un pelíkula pa mucha na Restaurant Omundo.

‘Kattensoep’

Boeli i su pushi Obama ta pasa dia serka su abuelo. Tin algu masha straño tumando lugar den bario: e pushinan ta disparsé. Huntu ku Lucy, e bisiña di su abuelo, Boeli ta purba resolvé e gran misterio.