Despues di 10 edishon eksitoso, ta introdusí posibilidat pa reservá ‘online” pa e famoso i eksitoso “Siman di Restorant Kòrsou”. Dia 6 te ku 12 di yüni próksimo Kòrsou lo realisá e 11 edishon Siman di Restorant. For di su inisio e proyekto a resultá sumamente eksitoso pa tantu bishitante komo e restorantnan partisipante.

Durante un siman komunidat di Kòrsou lo por disfrutá di platonan kulinario. Esei ta nifiká ku un siman largu por gosa di sena di mínimo tres plato pa solamente 55 ANG, serka e mihó restorantnan kulinario na Kòrsou. Siman di restorant ta un oportunidat ekselente pa bishita e restorantnan ku ta konosí pa nan kalidat kulinario i eksklusivo ku abo no konosé.

For di 2009 ta tene dos be pa aña siman di restorant na Korsou. Pa e edishon binidero ta altamente rekomendabel pa reserva adelantá online na, www.restaurantweekcuracao.com. Esei a keda konkretisá debí na un koperashon mutuo ku sra. Laura di “Dinner Curaçao” i asina brinda mihó servisio na tur ku ke partisipá i disfrutá di un o mas sena kulinario.

For di awe por reservá, usando bo smartphone, reservá online o bèl. Tene kuenta ku e restorantnan popular ta yena masha lihé, p’esei ta altamente rekomendabel pa hasi reservashon for di awe, usando e wepsait www.restaurantweekcuracao.com.

Un danki spesial na tur nos patrosinadònan – Dinner Curaçao, Social Lemons, Kinderkrant, Frog Media Design, Kitatin, ESO, Quality Dishware, Paradise FM, Mediaschool Curacao en Maduro en Curiel’s Bank- ku den koperashon mutuo ta hasi e 11 edishon di siman di restorant posibel i eksitoso.