PARTI DI E GANASHI DI JUMP IN “KADA KEN TA MIRA SEGUN E KOLO DI SU BREL”

WIILEMSTAD- Manera ya a bira un tradishon, Softball Team MCB Maskulino ta organisá tur aña di nobo nan Jump In ku e meta pa koleganan di Maduro & Curiel’s Bank su koleganan I nan famianan por selebrá karnaval huntu, pero tambe pa kontribuí na nos Karnaval. E aña aki Softball Team MCB Maskulino a organisá djabièrnè 21 di febrüari e Jump In ku e tema “Kada ken ta mira segun e koló di nan brel” ku tabata super eksitoso i kategorisá komo e jump in di mas grandi I mas kolorido di 2014. Un total di 3000 persona a kumpra nan karchi, risibí nan T-shirt i baila i gosa riba ritmo di DJ. Bryan Rosa, Tune, Gio, ERA i Dreams na Skalo Kade i asina kontribuí via di e Jump In aki na skolnan VSB St. Jozef, MIL I CDC/UDC na nan partisipashon na Teener Parade 2014. Direktiva di Softball Team MCB Maskulino ta gradisí tur tur persona ku a bishitá e Jump In aki, Gerensia di Maduro & Curiel’s Bank, MCB su produkto BSURE I tur su miembronan I otro koleganan ku a yuda promè, durante i despeus di e grandioso Jump In aki. Tambe Direktiva di Softball Team MCB Maskulino ta deseá tur skol ku ta partisipá den Teener Parade tur klase di éksito den e marcha di Teener djabièrnè awor.