Willemstad- Inselair i C-Post, dos kompania ku base fuerte ankra na Kòrsou, a uní pa ofresé pueblo di Sint Maarten konekshon aéreo konfiabel i amikal di InselAir ora ku resientemente Soualiga Service Point, e punto di servisio di C-Post na Sint Maarten, a bira e punto di benta prinsipal pa pasashi di InselAir na Sint Maarten. Durante un akto festivo e dos kompanianan a lansa e aliansa aki i a habri porta pa e komunidat di Sint Maarten.   E filial di Soualiga Service Point ta situa na old Movies edifisio 1 i 2 na Ponfill, Sint Maarten.Pueblo di Kòrsou ya ta konosí ku e punto di benta di pasashi di InselAir na e ofisina prinsipal di C-Post den Punda na Kòrsou. Gerente General di C-Post Franklin Sluis ta sumamente entusiasmá ku e aliansa aki i ta bisa: “Nos ta sumamente orguyoso di por ta e punto di benta prinsipal di pasashi di InselAir na Sint Maarten. E dos kompanianan a proba ku banda di nos orígen komun, nos tur dos tin ambishon pa logra kresementu sano na bienestar di nos kompania i nos pueblo. Mara e aliansa aki inspirá nos tur pa nos buska mas di tipo di aliansanan aki pa asina nos sigui krese den mundu” Pa Edward Heerenveen, Gerente General pa Asuntunan Internashonal di Insel Air e aliansa aki ta kuadra ku InselAir su maneho pa sera aliansa ku partnernan ku ta kuadra ku e kalidat di servisio ku InselAir ta konosí pe. “Awor atraves di Souliga Service Point nos lo ofresé e pueblo di Sint Maarten pero tambe tur hende ku mester di un konekshon aéreo ku nos mes flota pero tambe den e ret mundial grandi ku nos ta forma parti di dje. InselAir ta konvensí ku e paso aki ta unu mas den e bon relashon entre C-Post pa InselAir pa alkansá metanan ku ta sirbi e dos kompanianan pero tambe e públiko biahero.” Souliga Service Point su portanan ta habri di djaluna pa djabièrnè di 8 or di mainta pa 5 or di atardi. E ofisina apart di ta awor e punto sentral di benta di pasashi pa InselAir na Sint Maarten ta tambe e punto prinsipal pa servisionan ofresé pa C-Post manera PuntoMio.