WILLEMSTAD – Djasabra ultimo, miembronan di SOV Brandweer a kontribui ku Casa Manita, despues di a risibi un petishon serka e instituto ku nan mester di yudansa pa harma un fasilidat di rekreo pa nan muchanan. E insituto di kasi 50 mucha a risibi un donashon pa nan muchanan, pero no tabata tin e fondo nesesario ni tampoko personal disponibel pa yuda nan harma esaki. For di 9or di mainta, miembronan di SOV Brandweer a bai na e instituto unda a korta tur palu, skruf, klaba, harma e fasilidat aki for di sero pa asina por a konstrui un bunita fasilidat, den kual muchanan di Casa Manita por hasi alrededor di 20 diferente wega. Den e fasilidat aki nan ta dispone di 2 espasio pa por slep, 2 banki pa nan parke di rekreo, stul, “klimrek”, pero tambe un wep na unda nan por disfruta di dje den oranan di atardi. E konstrukshon a dura for di 9or di mainta te 7or di anochi, pero pa SOV Brandweer tabata sigur un satisfakshon na final pa por a mira kara nan kontentu di e muchanan tur despues ku nan fasilidat pa rekreo tabata kla. SOV Brandweer ta kontentu di por a kontribui di forma boluntario I asina yuda Casa Manita durante di e proyekto aki.