WILLEMSTAD,- Djadumingu 22 desèmber La Tentashon ta presentá dos obra riba e mes un dia. Pandora’s Box 5or di atardi i Ta Bo Destino 6or.  Pa solamente Naf 27,50 lo bo por disfrutá di e dos obra nan aki. Pandora’s Box ta e Promé finalista di Festival Historia Nobo 2012, Skibi pa  Michelle Thielman i dirigí pa Raymi Sambo. Pandora’s Box ta bai tokante di mucha muhé ku yama Jolanda un mucha muhé hopi lif pero su outoestima ta hopi abou. Neka ta su mihó amiga. Neka huntu ku Broertje ta plania pa laga Jolanda ku Kevin sera konosí ku otro. Tur kos ta kambia ora ku Neka tambe kuminsá gusta Kevin. Pero loke nan no sa ta ku Kevin tin un trouma pa hende muhé. Ku presentashon di Lilimar Valencia, Juendric Boeldak, Francesza Pedro i Raywearth Cardoze. Ta Bo Destino ta e ganadó di Festival Historia Nobo 2012, skibi pa Gedeon Martina i dirigí pa Donovan Benett. Ta Bo Destino ta konta e historia di Wendy. Un mama soltera ku ta traha fuertemente pa por kria i manten’é su yu hòmber Nino. Nino ta bayendo skol pero mirando e situashon na kas e ta disidí di bai e kaminda robes i drenta den e mundu di droga. Ku presentashon di Tisjaira Martina, Gedeon Martina, Gregory Ustasia, Aldair Pieters, Ronessa Marten, Virmgino Winklaar. Un atvertensha e dos obranan aki no ta apto pa mucha bou di 12 aña. Pandora’s Box i Ta Bo Destino dia 22 dec na La Tentashon pa Nafl 27,50 pa tur dos. Pa obra e ta Nafl 15,- Karchi optenibel na Teatro Luna Blou òf serka e aktornan.