Stellaris Casino ta introduci plataforma digital nobo como prome den Caribe!
ORANJESTAD, Aruba – September 2017: Stellaris Casino a introduci su plataforma digital nobo, como e prome casino den henter Caribe! Yazira Javois, kende ta “Director of Marketing and Slot Performance” a duna di conoce cu esaki ta un promocion digital hunto cu e programa “Exclusive VIP” cu Jerrino “Bass” Ridderstap tur atardi via Bo Guia FM. Oyentenan lo ricibi un “link”, cu lo hiba bo riba un “landing page” cu lo brinda bo e posibilidad pa “spin”.
E “spin” aki lo duna bo premio garantisa. “Esaki ta pa laga e hendenan sinti cu asina cu bo hunga, bo ta un ganado”, Yazira Javois a duna di conoce. Esaki ta un promocion unico cu Stellaris Casino a hinca den otro pa publico experencia un “spin” den su telefon y e ta download su mesun premio cu e ta gana riba su celular. E persona ta presenta bek na Stellaris Casino cu esaki pa reclama su premio. Si e dia ey, e hunga y e perde, e ta bin e siguiente dia y e ta haya e placa cu el a inverti bek, asina e representante di Stellaris Casino a indica.
E campaña aki a start riba diaranson ultimo. Te cu awo tin basta reaccion. Tin clientenan jong cu ta gusta e parti digital y p’esey Stellaris Casino kier involucra tur hende den esaki y duna tur hende un chens di participa. Meta ta pa tur hende gana y esaki ta solamente posibel cu Stellaris Casino, Yazira Javois a remarca.
Jerrino “Bass” Ridderstap a invita comunidad pa sintonisa su programa di dialuna pa diabierna di 2:00pm pa 5:00pm via 88.9 Bo Guia FM. Bo ta subi riba Facebook Page di Jerrino Ridderstap, click riba e link, bo ta “spin y win” hunto cu Stellaris Casino. “Gana so bo tin di gana. No tin nada di perde. Wak pa bo ta on”, el a expresa.
Aruba Marriott Resort & Stellaris Casino a habri na aña 1995 y ta e casino mas grandi riba nos isla. E ta conta cu mas di 160 empleado, cu ta maneha 24 wega di mesa y mas di 400 slot machines. E weganan mas popular riba mesa ta Craps, Black Jack, Three Card Poker y Roulette, mientras cu e mashinnan mas uza ta esunnan di e sistema 3D y e “mystery Progressive Jackpots”.
Stellaris Casino ta conta cu entretenimento bibo, diadomingo pa diaranson di 9:00pm pa 1:00am cu DJ Cross, diahuebs pa diasabra di 9:00pm pa 1:00am tin banda. Stellaris Casino tin Bingo tur diahuebs, diasabra y diadomingo pa 1:00pm, cu 5 Progressivo inclui completamente gratis. E casino ta habri 24 ora pa dia pa weganan di mashin mientras cu weganan di mesa ta cuminsa pa 2:00pm te cu 4:00am.
Na tur, e famia di Marriott Aruba ta consisti di mas o menos 1100 empleado den servicio directo y 400 empleado trahando via otro companianan den e compleho di hotelnan. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.