WILLEMSTAD- Mart 2015 – Marriott Curaçao su Emerald Casino resientemente a saka e promé ganador di su kampaña ‘Emerald Casino takes you to Aruba, One Happy Island!’ kende a resultá Sr. Jamal Kaddoura. E kampaña aki ta unu realmente fantástiko, na unda ku ta brinda klientenan di Emerald Casino tres oportunidat di gana un ‘Aruba Getaway’.  E promé ganador ta konosí! Sr. Jamal Kaddoura a keda realmente enkantá ku su premio ku ta konsistí di 2 ticket ida i di buèlta pa Aruba mas estadia pa 4 dia i 3 anochi den e luhoso Aruba Marriott Resort & Stellaris Casino pa kortesia di Curaçao Marriott Beach Resort & Emerald Casino. Ta rekordá tur kliente di Emerald Casino ku e siguiente sorteonan di e kampaña ‘Emerald Casino takes you to Aruba, One Happy Island!’ lo ta dianan 25 i 30 di mart próksimo. Pa informashon i regla di e kampaña klientenan di Emerald Casino por bishitá e VIP Booth. Pa garantisá kubo ta un ganador Emerald Casino lo tin su sorteonan èkstra tur djabièrnè. Ademas di esaki Emerald Casino lo duna tur hungadó di slòt mashin e oportunidat di akumulá punto riba nan karchi di miembresia tur djabièrnè entre 11:00am i 3:30am. E puntonan ku wòrdu akumulá riba e djabièrnè por wòrdu usa djamars. Riba djaluna Emerald Casino ta duna 50$ èkstra ora hunga kualke slòt mashin entre 11:00am i 6:00pm. Pa esnan ku ta amante di Poker, tur djadumingu Emerald Casino tin su ‘Texas Hold’em Poker Tournament’ kuminsando for di 8:00pm. Loke ta hasi e torneo aki  spesial ta ku e ta grátis. Bishitá Emerald Casino i amplia bo chèns di gana un ‘Aruba getaway’ òf purba bo suerte durante henter siman. Pa mas informashon por bishitá e página di Facebook. https://www.facebook.com/CuracaoMarriott Riba foto athuntu por mira momentu ku Sr. Jamal Kaddoura  ta risibí su premio for di representante di Emerald Casino. Masha Pabien!