KRALENDIJK: Despues di un eksitoso kampaña ‘Rekargá i Hasié di bo’ Digicel Bonaire a entregá e outo na su felis ganador. Sra. Geraldin Dammers-Martijn a gana un Hyundai Eon nobo nobo! Tabata siman pasá ku Sra. Geraldin Dammers- Martijn a skohe e yabi ganador ku a start e outo i a hasié e felis ganador di e kampaña. Den un ambiente ameno na Ackerman Auto Bonaire a hasi entrega di e outo na sra. Geraldin Dammers i alabes a selebrá Digicel su di 9 aniversario. “E trayekto di promoshon na kaminda pa selekshon di e ganador tabata unu masha eksitoso. Nos ta gradisí komunidat boneriano pa nan partisipashon masal, ademas di esaki nos ta gradisí tur organisashon ku ta duna Digicel oportunidat di forma parti di nan inisiativanan i kontribuí na desaroyo positivo di e komunidat. Digicel ta tei pa sirbi e komunidat boneriano pa hopi aña mas i alabes ta invitá klientenan pa keda pendiente pa mas promoshon ekstraordinario den futuro. Nos ta felisitá Sra. Dammers- Martijn ku su outo nobo!”, esaki di akuerdo ku Gerente General, sra. Rachel Brathwaite.