E’la bai kas ku un Mitsubishi Attrage 2014 nobo nobo

WILLEMSTAD- SEPT 2014: E ganador ta konosí! Sra. Fernandes ta bai kas ku e Mitsubishi Attrage 2014 di Caribbean Motors Company ku Digicel Kòrsou a pone na disposishon di su klientenan. E ‘Summer Campaign’ di Digicel a hasi hopi kliente kontentu. “Nos ta masha kontentu ku e reakshon, ta na su lugar pa gradisí nos klientenan i pueblo di Kòrsou en general pa hasi e kampaña aki unu sumamente eksitoso. Tin mas kampaña atraktivo na kaminda”, esaki di akuerdo ku relashonista públiko di Digicel Kòrsou, Srta. Thessa Fleming. Tabata djaluna, 1 di Sèptèmber ku Sra. Fernandes a risibí yabinan di su outo nobo for di Srta. Shayenne Rock, Mènedjer di Merkadeo pa Digicel Kòrsou. Tur kliente ku a kumpra un DL700, BLU Studio 5.0 òf a apliká pa un kontrato di 2 aña ku un BLU Life Pure Mini òf un DL700 lo a risibí un kupòn pa kada 25 florin na kompra. Di akuerdo ku relashonista públiko di Digicel Kòrsou, e reakshon tabata masivo i un kantidat enorme di kupòn a keda depositá na tur tres establesimentu di Digicel- for di kual a resultá un felis ganador. Sra. Fernandes tabata felis ora ku a yam’é pa dun’e bon notisia. Huntu ku su famia nan a risibí e yabinan djaluna último na Digicel Biesheuvel. “Nos ta felisitá famia Fernandes ku nan outo nobo; esaki ta netamente loke nos ta para pe- hasi nos klientenan felis. E tabata un satisfakshon enorme di por a entregá e yabinan di outo nobo na e famia aki. Nos ta gradisí nan pa kere den Digicel i partisipá den nos kampaña i promoshonnan. Masha Pabien!”, esaki di akuerdo ku Srta. Shayenne Rock, Mènedjer di Merkadeo pa Digicel Kòrsou.