Un accion comunitario di gran nificacion

ORANJESTAD- SEPT 2017: Un di e misionnan di Starbucks den tur mercado  den cual nan tin establecimento ta di duna bek na e comunidad dor di haci servicionan of actividadnan comunitario.  Starbucks ta mucho mas cu un marca, e ta un famia y un empresa cu un filosofia masha special.  Esaki ta keda demostra den accionnan manera esun di recientemente, na unda cu Starbucks Paseo Herencia a acumula material di scol pa haci un gesto na muchanan cu menos forsa financiero. 

E material di scol ta inclui tas pa scol y diferente otro detaye escolar, manera calculator, etui y mas cu sigur lo por yuda e mucha/ hoben den su tareanan. Total, partnernan di Starbucks a prepara 20 tas di scol cu contenido. Recientemente cabesante di scol basico Commandeur Pieter Boer, sra. Ustelle Cornet a bishita Starbucks Renaissance Mall p’asina ricibi e tasnan.  Nan lo keda reparti entre muchanan di scolnan, Colegio Hilario Angela, Commandeur Pieter Boer y Trai Merdia San Nicolas. Na su turno sra. Cornet a gradici e partnernan di Starbucks y tur cu a duna un man pa realisa e bunita gesto. Riba fotonan adhunto un imprecion di e momento cu sra. Cornet a ricibi e tasnan di e partnernan di Starbucks.