… dia 28 di november proximo tur bebida cayente of friu lo ta na $5…

ORANJESTAD – November – Ya ta cinco aña caba cu Starbucks a cambia e comportacion di bebemento di koffie na Aruba. E prome establecimento di Starbucks a habri na 2009 na Renaissance Marketplace y den record di tempo a bira e sitio preferi pa tur esunnan cu ta desea di sinta socialisa, combersa, tene un reunion di trabou of relaha den un dushi ambiente. Ta claro cu no por laga e dia pasa sin celebra esaki.

Starbucks Celebration:

Henter dia, 28 di november proximo tur bebida di Starbucks tanto friu of cayente lo ta na $5- esaki ta nifica cu fanaticonan di Frappucion, Late y e otro ‘faboritonan’ di Starbucks por probecha di e oferta y disfruta. Pa e dia special aki, a traha un bolo di 5 piso for di cual tur cliente por ricibi un pida bolo gratis y asina celebra e 5 aniversario di Starbucks Renaissance Marketplace. For di 6’or di atardi lo tin entretenimento ‘live’ di Angelo Koolman cu lo percura pa tur hende ta den dushi ambiente – esaki lo ta un atardi perfecto pa sinta y disfruta di un dushi copi di koffie y un pida bolo hunto cu un ser queri.

Starbucks Selfie Campaign:

Ademas di esaki ta invita fiel clientenan di Starbucks pa saca nan potret cu e popular ‘Starbucks Cup’ na Renaissance Mall den e siman di 1 pa 7 di december, na Paseo Herencia den e siman di 8 pa 14 di december y na Renaissance Marketplace den e siman di 15 pa 21 di december. Lo saca un ganador di tur siman cu lo gana un desayuno na Starbucks pa 2 persona. Mientras cu ta den pleno celebracion di e prome lustro di Starbucks Renaissance Marketplace toch ta probecha pa recorda tur cliente cu e Starbucks Xmas Gift Certificates ya caba ta obtenibel. Bo segundo ‘cas’, Starbucks Renaissance Marketplace ta conta cu bo bishita dia 28 di november. Keda pendiente pa e ofertanan semanal di Starbucks entrante dia 2 di december proximo.