ORANJESTAD – Juli – Starbucks, Blue FM y e programa ‘Real Morning Show’ ta anuncia evento comunitario ‘Back to School’ tumando lugar dia 2 di augustus proximo na Renaissance Market Place entre 10or di mainta y 6or di atardi. E biaha aki Starbucks ta pone atencion special na muchanan di menos recurso cu ta pendiente pa un aña escolar nobo. Meta di e evento ta pa recauda fondo y asina provee e muchanan cu material di scol. E actividad lo ta specialmente dedica na famia y alabes tin e posibilidad pa duna un man y yuda uno cu tin mester.

Entre 10’or di mainta cu 12’or di merdia lo tin musica y animacion di payaso pa entretene e publico. Despues di esaki lo tin presentacion di e banda Oasis te cu 2’or di merdia sigui pa un tremendo show di baile na encargo di grupo Kerekentenchi. Pa 3’or do atardi lo tin show di baile di e grupo K2K y Aruba Dansa Mini y Youth. Lo clausura e evento cu musica di e banda Cosa Buena. Durante henter e dia lo tin carrousel y bouncers pa e muchanan. Tambe lo conta cu presencia caricaturanan manera Mickey Mouse, Pato Donald y Frozen. Ta bon pa menciona cu cada 1 ora Starbucks lo reparti ‘samples’ y amantenan di te i koffie por bishita Starbucks su ‘passion tea and coffee tent’. Ademas di esaki, Starbucks su baristanan lo cana rond cu un buzon durante e evento pa un y tur cu ta desea di haci un donacion pa e bunita causa aki.

Diadomingo awor , dia 2 di augustus proximo ta un dia di famia, forma parti di evento comunitario ‘Back to School’ na Renaissance Marketplace. Entrada ta solamente Naf. 7,50 pa persona. Bini cu famia completo y duna un man na un mucha cu tin mester di yudansa y alabes disfruta di un dia ameno. Ta recorda un y tur cu tur fondo recauda riba e dia aki ta bay pa cumpra material di scol pa muchanan di menos recurso. Ban duna un man!