Tuma bo kupòn di ‘I love My Salad’ djasabra awor na Subway Brionplein:

Willemstad- Mei – 2016: Kòrsou ta pendiente pa e terser edishon di ‘Curaçao Color Walk’. E aña aki ku e lema “Yena bo bida i di otronan ku kolo”. Ta pa e di tres aña konsekutivo tambe ku Subway ta duna sosten na e ‘fun walk’ aki, patrosinando e ‘color station’ ros ku lo ta yená ku entretenimentu i bon ambiente durante e kaminata.

Miéntras ku djasabra awor tin oportunidat di kumpra tshirt na Subway Brionplein, ta bon pa menshoná ku Subway ta lansa un kampaña pa kompañá e trayekto di promoshon pa ‘Curaçao Color Walk’.

‘I love my Salad’: Kambio ‘di pan pa salda’ ta grátis!

Na momentu ku e kliente kambia su ‘sub’ pa un salada na Subway, e no mester paga- esaki te ku dia 30 di yüni próksimo.“Nos a imprimí 8,000 kupòn, komo ku e aña aki ta e meta di Curaçao Color Walk pa nan tin 8,000 partisipante na e kaminata. Tur partisipante lo risibí un kupòn di “I LOVE MY SALAD”. E idea ta, pa duna e kliente mas opshon. Na lugar di pidi pa su ‘Sub’ faborito e por kambia esaki pa un salada ku ta kontené tur kos ku usualmente su ‘Sub’ (regular) tin”, asina Randy Maurera a amplia riba e kampaña ‘I love My Salad’. Ta enfatisá ku no ta e salada ta grátis. Usualmente e ‘kambio’ di pan pa salada ta kosta Naf 1,50, pero den e kampaña aki, e ‘kambio’ ta grátis. Ta importante pa e kliente bisa su skohensia adelantá na esun ku ta bai traha su salada, i entregá e kupòn di “I LOVE MY SALAD”.

E kupòn spesial di ‘I love My Salad’ lo ta únikamente vigente ora e kliente hasi e kambio di un ‘sub’ pa un salada. Solamente e ora ei e deskuento di e kampaña ta bálido. E promoshon di ‘I love My Salad’ ta vigente te ku dia 30 di yüni próksimo. Tuma bo kupòn di ‘I love My Salad’ djasabra awor na Subway Brionplein i tambe Kooyman Zeelandia na momentu ku ta bende e T-shirtnan pa Curaçao Color Walk, entre 10’or di mainta i 3’or di mèrdia.