Ku introdukshon di IQOS
WILLEMSTAD:- Superior Tobacco Company Curaçao N.V. (STCC), un supsidiario di Philip Morris International Inc. (PMI) den luna di Mei último a introdusí nan produkto inovativo, IQOS, na Kòrsou. Mas di 3 mion persona rònt mundu ku ta huma diariamente a kambia pa IQOS i 8,000 persona ta hasiendo e kambio tur dia di nobo.
IQOS ta un aparato elektróniko ku ta kalentá e tabako den un silinder spesialmente diseñá na un temperatura hopi mas abou ku e nivel di kombustion regular. Tabako normalmente ta kima na un temperatura ekseso di 600 ̊C, generando huma ku ta kontené kímikonan dañino. IQOS ta kalentá e tabako na un temperatura di ménos ku 350 ̊C sin kombustion, kandela, shinishi òf huma. E vapor di nikotina ku e ta laga no ta afektá kalidat di airu paden di un establesimentu i ta produsí un holó muchu mas agradabel ku sigaria tradishonal.
IQOS ta e promé den un seri di alternativanan real pa sigaria ku potensial pa redusí riesgonan. E kompania PMI a bin ta traha riba dje pa mas ku un dékada, invertiendo mas di 3 bion dòler den investigashon i desaroyo di e produkto. Investigashonnan di PMI, te ku dia di awe ta indiká ku IQOS ta generá un aerosol ku ta kontené un average di 90 pa 95% ménos tóksiko kompará ku un sigaria tradishonal, miéntras ku toch e ta proveé e konsumidó un sabor real di tabako.
E kompania ta kondusiendo un investigashon ekstenso pa verifiká e potensia di redukshon di riesgo di e produkto, inkluyendo estudionan médiko i no-mediko. Kuater di e estudionan médiko ya kaba a demostrá ku humadónan ku a kambia pa IQOS pa durashon di e estudio/ investigashon a mustra un redukshon di e tóksikonan tradishonal, ekivalente na un persona ku a stòp kompletamente ku humamentu.
Di akuerdo ku Dr. Moira Gildchrist, direktor di PMI enkargá ku relashonnan sientífiko, “Nos estudionan riba IQOS ta hopi avansá. Deskubrimentunan te ku dia di awe ta demostrá ku e vapor di IQOS ta mustra konsiderablemente ménos konstituyentenan negativo i ku e produkto ta atraktivo pa adultonan ku ta huma diariamente, miéntras ku e no tin niun atrakshon na esnan ku a stòp di huma kaba òf ku nunka a huma den nan bida. E data atkerí te ku awor ta mustra klaramentu riba redukshon di riesgo. E investigashon sientífiko ta keda komplementá ku nos eksperensia komersial previo, na unda ku den ménos ku 2 aña, mas di 3 mion humadó adulto a stòp di huma i a kambia nan sigaria pa un IQOS.”
Sr. Alex Torres, managing director di STCC a komentá durante di e introdukshon pa merkado di Kòrsou ku, “E lansamentu di IQOS na Kòrsou ta marka un paso importante den realisashon di nos vishon pa diseñá un futuro ‘smoke free’. Nos meta prinsipal komo kompania ta pa un dia remplasá sigaria tradishonal ku produktonan liber di huma i ku tin potensial pa redusí riesgo i ta benefisioso pa salú públiko. Nos tin e responsabilidat komo kompania pa ofresé humadónan adulto, alternativanan ku ménos riesgo. Nos ta orguyoso ku Kòrsou ta e promé isla den Caribe ku ta ofresé IQOS.”
PMI ya kaba a lansa IQOS na diferente pais inkluyendo Hapon, Italia, Suisa, Hulanda i Colombia i ta plania pa ekspandé pa mas siudat den mas ku 30 pais pa fin di 2017. Pa mas informashon tokante di IQOS na Kòrsou por yama 788 9998 òf bishitá www.iqos.com.cw. E investigashon sientífiko di PMI por wòrdu hañá riba www.pmiscience.com