Dia 21 di oktober Surival lo presentá pa loke por bira nan delaster konsierto “One for the Road” den WTC. Na 1980 Tony Fernan i Kevin Carty a funda “Survival”. Nan a kuminsá komo un “entertainment band” pasa algun tempu komo “show band” ku varios show i konsierto den Sentro Pro Arte i tambe na airu liber. Nan a aktua tantu lokal komo internashonal i despues a sigui nan karera tokando na fiestanan públiko i priva i tambe den shownan speshal. Nan tabata “house band” di Klup LA den añanan 90.E añanan aki ta masha eksitoso i a dura mas o ménos 15 aña largu. Na 1995 nan a stòp di toka i solamente riba algun petishon a bin bèk i a toka.

Aña pasá nan a hasi algu ku nan ta tin hopi tempu sin hasi, esta di produsí i toka un show. Nan a hasi esaki un tiki ku e pensamentu: Ban hasi esaki lihé, promé ku ta lat. P’esei nan a titulá e evento aki: “ONE FOR THE ROAD”. E evento aki mester bira un sorto di “nan bida musikal”, e bida musikal di Survival; e manera kon fanátikonan a karga ku Survival; kon músikonan, tékniko di sonido, bailarin i artistanan ku ta enbolbí ku Survival a eksperenshá Survival. Di 1980 te awe, i e evento ta un homenahe na nan tur. Survival ta tin mas ku 50 miembro den nan eksistensia, tantu músiko komo tékniko.

E produkshon aki ta un reto grandi pa Survival. Diferente ensayo mester tuma luga, ya ku e banda no ta aktivo mas. Pero tur hende ta di focus i determiná pa logra. Semper Survival ta otro for di otronan paso nan fanatikada ta spera esaki di nan. Tambe e fanatikada ta spera un fiesta, paso den esei Survival ta “master” i huntu ku nan amigu musikonan di Happy Peanuts i Highway Band, lo tin un tremendo “after party” despues di e konsierto.

Djasabra 21 di oktober WTC lo transformá den un zona di legria i 9or en punto (bin na tempu) lo kuminsá ku e evento “One for the Road” i direktamente despues di e konsierto nos “after party” ta sigui. Karchi ta kosta 95 florin Nos tin asina tantu pa kontabo, pero ta laga esaki pa kontabo den i ku e konsierto aki. E lo bira un anochi inolvidabel.