80,000 fanátiko, 10,000 empleado i un par mil agente di seguridat lo topa djadumingu awor 2 di febrüari 2014, ora e portanan habri na Met Life Stadium New Jersey pa e gran final di NFL, konosí komo SUPER BOWL. Tur kos ta indiká ku lo bai ta e Super Bowl di mas friu den historia, pero pa nos aki na Kòrsou, esaki dimes no ta afektá ningun fanatiko. TDS, e kompania mas grandi di televishon pagá, huntu ku The Movies Curaçao i Amstel Bright, ta brinda fanatikonan di e deporte aki e gran oportunidat di mira e gran partido final aki entre Seatle Seahawk i Denver Broncos, live riba pantaya grandi, den High Definition i ku e zonido di Dolby 7.1. Promé biaha den historia ku aki na Kòrsou algu asina ta wòrdu organisá i TDS ta orguyoso di por brinda e oportunidat aki huntu ku The Movies Curaçao i Amstel Bright. For di awor, tur hende interesá por pasa kumpra nan karchi na balor di ANG 25.00 na The Movies Curaçao, ku ta duna bo un serbes Amstel Bright bon friu, mas un popcorn, plùs e asiento den sala ku èrko i e pantaya limpi den High Definition, mas e sonido klir den Dolby 7.1 ku ta laga bo sinti manera ku ta den MET LIFE STADIUM bo ta sintá den e promé fila. Stulnan ta hopi limitá, pues ta sugerí pa kumpra bo karchi delantá, pa bo no pèrdè e gran oportunidat aki. Antesala ta kuminsá for di 6:00PM, miéntras e wega mes ta start 7:30 PM ora di Kòrsou. E parti mas komersial di e partido aki, ta e asina yamá HALFTIME SHOW, kaminda e aña aki BRUNO MARS, e artista ku lo presentá e aña aki na Kòrsou den Curacao North Sea Jazz Festival, lo duna un show nunka bisto. No pèrdè e chèns úniko aki pa presensiá un wega deportivo bibu den un teater aki na Kòrsou. TDS, huntu ku The Movies Curaçao i Amstel Bright, ta invitá bo djadumingu awor, 2 di Febrüari 2014 pa 6:00 PM na The Movies waaigat.