Mas ku 90 Kanal pa ménos ku 30 florin pa luna

TDS, e kompania di televishon pagá di mas grandi na Kòrsou i e úniko kompania di televishon pagá ku kobertura total di kanalnan na Papiamentu i Pay Per View nan na nos idioma, awor a lansa un produkto nobo nobo riba merkado, spesialmente pa e grupo ku un entrada mas abou. E pakete aki yama “Esun Chikí” i ta kosta ANG 29.99 pa luna inkluso OB. E pakete aki ta spesialmente diseñá pa e persona ku kier gosa di televishon pagá, pero ku no por paga e pakete básiko. ANG29.99 pa luna ta un suma ku kasi tur persona por paga, ya ku ta un averahe di 1 florin pa dia. E pakete aki ta bini ku 1 bòks SD grátis i ku instalashon grátis pa luna di Mei i Yüni. Tur kliente di “Esun Chikí” tambe lo haña 20 emisora di radio lokal inkluí den e kanalnan, p’asina nan por skucha radio via televishon tambe. Ademas e kliente ta haña kanal 80 di regalo serka TDS den “Esun Chikí”. E pakete tin restrikshon i kantidat ta limitá. Pa dia di tata i sigur pa Mundial 2014, e pakete aki ta ideal. Pa bo sa si bo ta bini na remarke pa “Esun Chikí”, bo por yama 9242 pa mas informashon òf pasa na TDS Sta Rosaweg 21 pa bo hasi bo petishon. Klientenan ku tin bòks di TDS na kas i ku pa un òf otro motibu NO ta hasiendo uso di e servisio di TDS, nan tambe lo por bin na remarke pa hasi uso di e pakete aki. E klientenan aki por pasa libramente na TDS Sta Rosaweg i verifiká e saldo habrí ku nan tin i drenta den un areglo di pago kumbiniente, miéntras ku nan ta sigui disfrutá di nan kanalnan. Hopi biaha e saldo habrí ta hopi mas abou ku nan mes ta kere. Pues no pèrdè bo mundial 2014 òf bo edishonnan di Pronkami mas, awor tur hende na Kòrsou por tin nan TDS den nan kas pa ménos di 30 florin pa luna ku “Esun Chikí” TDS ta i lo keda BO kompania di Televishon Pagá mas grandi, mas variá i mas gustá aki na Kòrsou, p’esei TDS ta i lo keda, ESUN DI NOS!