Den kuadro di TDS su selebrashon di 30 aña, TDS resientemente a hasi un di su kampañanan fantástiko kaminda klientenan ku a partisipá por a gana un premio ku nunka mas nan lo lubidá. Esaki tambe tabata e kaso ku e último kampaña di TDS ku tabata pa registrá for di awor pa e pakete di Xtra Innings di Baseball pagando solamente ANG35.00 pa luna den 12 luna, i haña e chèns di partisipá den un rifa kaminda e ganador lo risibí 1 pakete pa 2 persona pa New York City ku Estadia na OMNI Berkshire Place ku karchinan pa e weganan 3 – 4 – 5 di World Series 2015. Djamars dia 27 di Òktober último a saka e felis ganador ku a resultá Sr. Ruthnilo Martina. Sr. Martina no por a kaba di kere ku un di su soñonan di mas grandi a bira realidat i esaki danki na TDS. Djarason 28 di Òktober mèrdia, Sra. Elly Gomes Bravio, Store Coordinator di TDS na Vinik Plasa, a hasi entrega di e premio aki na e felis ganador Sr. Ruthnilo Martina. Sr. Martina a biaha dia 29 di Òktober 2015 pa New York huntu ku Vincent Offerman pa eksperensia e 3 weganan ku lo ser hunga dia 30 i 31 di Òktober i tambe si mester dia 1 di Novèmber próksimo. E weganan aki tambe lo wòrdu transmití bibu i direkto for di New York via di TeleCuracao kanal 8. TDS pa siguí e selebrashon ta ofresé tur kliente ku ta deseá esaki pa bin eksperensha e transmishon bibu aki ku komentarista den e Food Court di SAMBIL riba e fecha nan aki. Durante di e transmishon, tur kliente ku kier apliká i paga pa e spesial di ANG35.00 pa luna, lo risibí òf un pèchi òf e jersey di un di e team nan di MLB miéntras tin na stòk. TDS un biaha mas ta mustra di tei pa su miembronan i tambe pa henter Kòrsou. TDS ketu bai ESUN DI NOS!