Manera tur aña ta e kaso, e aña aki sigur lo no ta un eksepshon, ku TDS lo brinda tur su miembronan ku ta deseá, e karnaval di mas grandi i mas luhoso na mundu, riba kanal 571. Asina mes, karnavalnan di diferente siudat na Brazil ku e skolnan di Samba, preparashonnan pa e gran desfile i komo e chèri riba e bolo, e gran Karnaval di RIO. Henter e programashon ta kuminsá for di djarason riba kanal 571 i lo keda pasa te ku djamars dia 4 di Mart 2014. Tur e desfilenan lo pasa for di 9’or di anochi te ku 6’or di mainta i tur ta bibu i direkto for di Sao Paulo i Rio de Janeiro. No laga p’abo mira pòtrèt despues den korant, pidi pa bo kanal 571 yamando 9242. Gastu pa e kanal aki ta ANG 18.00 mas OB i esaki lo aparesé den luna di Mart 2014 riba bo resibu. TDS kier a deseá henter pueblo di Kòrsou un felis karnaval 2014.