Talents Hosting Entertainment (THE! TV) lo estrená riba kanal 6 di TDS. E kanal aki ta dediká pa tur género di edat di 8 aña bai ariba. Produkshon di e kanal lo ta den man di e konosido talento lokal Ryan QD Navarro (konosí di area51 y tambe produktor di vários videoclip).

Loke ta hasi THE! TV úniko ta ku e kanal ta bai pasa únikamente produkshon lokal y eksklusivamente músika di artista lokal ( inkluyendo Aruba y Bonaire tambe). Otro aspekto ku ta úniko di THE! TV ta ku THE! TV lo tin un sistema di “revenue share” pa tur artista, “filmmaker” y “content creator” ku nan produkshon pasa riba e kanal. Ku esaki TDS en kolaborashon ku THE! TV ke balorá nos talentonan lokal.

Pa hasi esaki posibel lo kobra un montante di solamente ANG9.99 pa luna pa por disfrutá 24ora di THE! TV i alabes kontribuí ku tur artista ku presentá riba THE! TV.  P’abo tambe por gosa di e kanal úniko aki djis pasa na TDS Store na Vinik Plasa òf kualke UTS Store na Kòrsou òf Boneiru i suskribí pa kanal 6 “THE! TV”, di e manera aki abo lo yuda kontribuí pa kubo artista faborito.

Keda pendiente pa e lansamentu ofisial dia 6 di yüli próksimo, follow THE!TVCuracao via facebook pa abo tambe tin chèns di forma parti di e launch ofisial di kanal 6 THE!TV den VIP Style.